Ro`yxatdan o`tish Bosh sahifa
Reklama

"Real"ning evrokuboklardagi eng yaxshi to'purarlari uchligida o'zgarish


[b]"Real Madrid" hujumchisi Karim Benzema "Viktoriya Plzen" bilan kechgan o'yinda (5:0) dubl qayd etib, "Qaymoqranglilar" libosida urgan gollari sonini 201 taga yetkazib qo'ydi.

Shu tariqa, fransiyalik futbolchi ikki yuzlik marrani bosib o'tgan "Real Madrid"ning yettinchi futbolchisi bo'ldi. Klub to'purarlari ro'yxatini Krishtianu Ronaldu 450 ta gol bilan boshqarib bormoqda. Undan keyingi o'rinlarda Raul Gonsales (323), Alfredo Di Stefano (308), Karlos Santilyana (290), Ferents Pushkash (242) va Ugo Sanches (208) joy olgan.

"Real"ning evrokuboklardagi eng yaxshi to'purarlari uchligida o'zgarish

Qayd etish joiz, Benzema kechagi dubli bilan evrokuboklarda urilgan gollar soni bo'yicha ro'yxatning 4-o'rniga ko'tarilib oldi. U 48-marotaba raqiblar darvozasini ishg'ol etib, Santilyanadan bitta golga o'zib ketdi; yana ikkita gol ursa, bu borada Alfredo Di Stefanoni (49 ta golga ega) ham ortda qoldirib, yuqori uchlikdan joy oladi.

Eslatib o'tamiz, Karim "Qirollik klubi"ga 2009 yili "Lion" safidan kelib qo'shilgan edi. U jamoa bilan 16 ta sovringa ega chiqqan, ular orasida EChLning 3 ta kubogi va Ispaniya chempionatining 2 ta bosh sovrini ham bor.

[b]Manba:[/b] www.tribuna.uz


Muallif: El Capitano
|
Teg: Real Madrid, Karim Benzema
Iltimos, saytimiz yanada rivojlanishi uchun, o`zingizga yoqqan xabarlarni ijtimoiy tarmoqlarga tarqating!
Barcha izohlar (0)
Siz yangilikga fikr bildirmoqchi yoki boshqalarni fikrni o'qimoqchi bo`lsangiz, avval ro`yxatdan o`ting!
Hoziroq: Ro`yxatdan o`tish
Reklamaga
Hafta futbolchisi
Karim Benzema | "Selta"ga qarshi bahsda bitta gol urdi va yana bir golga uzatma berdi. Shu boisdan Benzemani hafta o'yinchisi deb topildi.