Ana xolos. “Real” Ramos bilan kelisha olmayapti


“Real” sardori va himoyachisi Serxio Ramos shartnomasini uzaytirish borasida klub rahbariyati bilan hozircha aniq to'xtamga kelgani yo'q.

Futbolchi jamoada qolish niyatida, ammo klubdagilar futbolchi bilan uning maoshi borasida kelisha olishmayapti. “Real” rahbariyati klub xodimlari va futbolchilarga pandemiya munosabati bilan oylik ish haqini kamaytirish borasida yana bir bor murojaat qilmoqchi.

1 yanvardan boshlab Ramos shartnoma borasida boshqa jamoalar bilan muzokaralar o'tkazish huquqiga ega. Himoyachi jamoani tark etadigan bo'lsa, qirollik klubi uning o'rniga David Alaba (“Bavariya”) yoki Erik Garsiya (“Manchester Siti”)ni olib kelishi mumkin. SHuningdek, ehtimoliy transferlar ruyxatidan “Vilyarreal” himoyachisi Pau Torres ham joy olgan.

Ramos 2005 yildan buyon “Real” sharafini himoya qilib keladi. Bungacha u “Sevilya”da to'p tepgan va ushbu jamoa tarbiyalanuvchisi hisoblanadi. 34 yoshli futbolchi “qaymoqranglilar” bilan 22 ta sovrin yutishga erishgan. Ular orasida to'rt marta ECHL va besh karra Ispaniya chempionligi mavjud. Futbolchining jamoa bilan amaldagi shartnomasi 2021 yilning yozida nihoyasiga etadi.

Manba: CA


4 1
Saytimiz yanada rivojlanishi uchun, o'zingizga yoqqan yangilikni ijtimoiy tarmoqlarga tarqating!

Информация
Комментировать статьи на сайте возможно только в течении 20 дней со дня публикации.