Berbatov Ramosning MYUga o'tish ehtimoli haqida to'xtaldi


"Manchester Yunayted" sobiq hujumchisi Dimitar Berbatov "qizil iblislar" "Real" sardori Serxio Ramos uchun kurashishi kerakligi haqida so'z ochdi.

Eslatib o'tamiz, ispaniyalik himoyachi kelasi yozda shartnoma muddati tugashi sababli erkin agentga aylanishi mumkin.

"Albatta, men Ramosning kelajagi haqida juda ko'p yangiliklarni o'qidim. U har qanday jamoaga katta tajriba va kuch berishga qodir. O'zining yoshiga qaramay, Serxio hanuzgacha eng yaxshi o'yinchidir va bu MYU uchun shubhasiz, yaxshi kelishuv bo'ladi. Agar Ramos erkin agentga aylansa, ko'plab klublar uni sotib olishga harakat qiladi. Ammo "Real" ham, Serxio ham yaxshilab o'ylab ko'rishlari kerak, chunki boshqa joyda chim doim ham yashil bo'lavermaydi", – deya Berbatovning so'zlarini keltirdi Goal.com

Berbatov Ramosning MYUga o'tish ehtimoli haqida to'xtaldi

34 yoshli Ramos "Real" safida 2005 yildan beri o'ynab kelmoqda, u 666 o'yin o'tkazib, 100 ta gol urgan va 40 ta golga uzatma bergan. 

Manba: CA


1 0
Saytimiz yanada rivojlanishi uchun, o'zingizga yoqqan yangilikni ijtimoiy tarmoqlarga tarqating!

Izoh qoldirish

Оставить комментарий

Кликните на изображение чтобы обновить код, если он неразборчив