Super futbolchilarning super mashinalari orasida Ronaldoni temir to'lpori tengsiz. TOP-10 (+ foto)

Bir necha hafta oldin "Real" hujumchisi Krishtianu Ronaldu Bugatti Veyron mashinasiga ega bo'lgani ma'lum bo'lgan edi.

Boshqa futbol yulduzlari qanday mashinalardan foydalanishini bilasizmi? Unda marhamat tanishib chiqing.

10. Zlatan Ibragimovich

Volvo C30 T5 RDesign (44 ming evro)

Zlatan Volvo kompaniyasining yuzi hisoblanadi. Kompaniya hujumchiga bor-yo'g'i 400 dona ishlab chiqarilgan "Volvo C30 T5 RDesign"dan birini sovg'a qildi.


9. Mario Balotelli

Audi R8 (140 ming evro)

Turli nashrlar ko'proq Balotellining Audi R8 mashinasini yodga oladi. Hujumchi "Manchester Siti"ga o'tganidan 2 hafta o'tib ushbu avtomobilini urib olgan edi. Balotelli urilgan mashinani o'sha joyda qoldirib, mashg'ulotga piyoda yo'l oladi. Mario bu falokatni chap tomondagi rulga o'rganib qolgani bilan tushintirdi.

8. Luish Nani

Lamborghini Gallardo (190 ming evro)

Bu superkar Angliya chempionati futbolchilari orasida juda mashhur. Lamborghini Gallardo Nanidan tashqari Rio Ferdinand va David de Xeada ham bor.

7. Ueyn Runi

Aston Martin Vanquish S (200 ming evro)

Angliyada ko'pchilik Runi mashina haydashdan ko'ra futbolni yaxshiroq o'ynashi haqida hazillashadi. "Manchester Yunayted" hujumchisi bu mashinasi bilan yana uchta qimmat avtomobilni urib olgan edi.

6. Frenk Lempard

Ferrari 458 Italia (230 ming evro)

"CHelsi" sobiq yarim himoyachisi futbolchilar orasida mashhur bo'lgan Ferrari 458 Italia mashinasini tanlagan. Bu kabi avtomobillar Rezvan Rac, Mesut Ozil va Martin Kaseresda mavjud.

5. Lionel Messi

Ferrari Spider (250 ming evro)

Sayyoramizning eng yaxshi futbolchisi (yoki eng yaxshilaridan biri) bir haftada ikkita bunday Ferrari xarid qilishi mumkin. Bu mashina 4 soniyada 100 km/soat tezlikka erisha oladi.

4. Per-Emerik Obameyyang

GOLD Lamborghini Gallardo (313 ming evro)

So'nggi bir necha yil davomida Evropaning top-klublari Obameyyangni o'z safiga qo'shib olmoqchi, ammo futbolchi "Borussiya"da qolishni maqul ko'rmoqda. Hujumchining mashinasi ham sariq rangda. Aniqrog'i - tilla. Dortmundda GOLD Lamborghini Gallardo paydo bo'lsa u kimniki ekanligini tezda bilish mumkin.

3. Aleksandr Kokorin

Lamborghini Aventador LP720-4 50° Anniversario (385 ming evro)

Bu superkar afsonaviy Italiya koncernining 50 yillik yubileyiga (2013 yilda) atab cheklangan miqdorda chiqarilgan edi. Kokorindagi kabi mashinalar er yuzida yuzta.

2. Devid Bekxem

Rolls-Royce Phantom (410 ming evro)

Bekxem "Los-Anjeles Gelaksi"da o'ynayotgan paytida ushbu Rolls-Royce avtomobilini sotib olgan edi. Bir necha yil o'tib Devid mashinani pullab yubordi.

1. Krishtianu Ronaldu

Bugatti Veyron (2 mln evro)

Bu esa Ronalduning yangi o'yinchog'i. Ushbu superkar Evro-2016dagi g'alabadan so'ng xarid qilingan. Bugatti Veyron bu ro'yxatdagi har qanday mashinada qimmat turadi. Veyron 16.4 Grand Sport modeli 2 mln. evroga baholanmoqda. Bunday mashinalar dunyoda 450 ta.

Manba: CA asosida hala-madrid.uz uchun maxsus!