Benzema "Granada" darvozasini oxirgi 6 ta o'yindan beri ishg'ol qilmoqda

"Granada" hozirda "Real" forvardi Karim Benzema uchun "sevimli" jamoa hisoblanadi va xujumchi ushbu jamoa darvozasiga gol kiritishni hush ko'radi. Fransiyalik goleador Andalusiyaning mazkur "Granada" klubiga qarshi kechgan so'nggi 6 uchrashuvning barchasida o'z nomini tabloga yozdirib qo'yishga erishgan. U 2013-yil avgustidan buyon o'tkazilgan 6 ta bahsdan 5 tasida bittadan gol kiritgan bo'lsa, 9:1 hisobi bilan yakunlangan uchrashuvda dublga erishgan.

Umuman olganda Benzema eng ko'p golini aynan "Granada" darvozasiga kiritgan - 9 ta! "Barselona" va "Malaga"ga 8 tadan, "Xetafe", "Atletik", "Rayo Valekano" hamda "Sevilya" darvozalariga esa 7 tadan gol kiritishga muvaffaq bo'lgan.