Lionel Messi: “Ronalduning ketishi “Real”ni biroz kuchsizlantirdi”

“Barselona” hujumchisi Lionel Messi “Real” hujumchisi Krishtianu Ronalduning “Yuventus”ga o'tishiga o'z munosabatini bildirdi.

“Albatta, “Real” dunyoning eng kuchli jamoalaridan biri, ular safida ajoyib futbolchilar bor. Ammo Ronalduning ketishi ularni birozgina kuchsizlantirdi.

Uning “Yuve”ga o'tishi shubhasiz, turinliklarni ECHL favoritiga aylantirdi. “Yuve”da shundog'am kuchli tarkib bor edi va ular safiga Ronaldu qo'shildi.

Men uning qaroridan hayron qolgandim. U Madriddan ketadi, deb o'ylamagandim. Ketsayam, “Yuventus”ga o'tishi men uchun kutilmagan hol bo'ldi. Lekin “Yuve” ham kuchli klub”, - dedi Messi Radio Catalunya radiosiga bergan intervyusida.

Manba: www.championat.asia