“Inter” Beylni ijaraga olishi mumkin

Madridning “Real” klubi hujumchisi Garet Beyl yozgi transfer oynasi vaqtida jamoa bilan xayrlashishi mumkin.

«Sport Mediaset»ning xabariga ko'ra, futbolchining xizmatlariga “Inter” qiziqmoqda. 29 yoshli futbolchi “ko'k-qoralar” rahbariyati bilan uchrashib, shartnoma bandlari bo'yicha muzokara o'tkazgan.

”Inter” futbolchini “Real Madrid”dan ijaraga olishi kutilmoqda.

Ilgariroq “Real” murabbiyi Zidan futbolchini 8 iyuldan boshlanadigan mavsumoldi yig'inlargajalb etish niyatida ekanligi haqida xabarlar chiqqandi. Qirollik klubi rahbariyati esa haligacha futbolchini sotib yuborish niyatidan qaytgani yo'q. Madridliklar uelslik futbolchining transfer bozoridagi qiymati hali hanuz baland ekanligiga shubha qilishmayapti.

29 yoshli Beyl joriy mavsumda Ispaniya chempionatida 29 ta uchrashuvda (21 tasini asosiy tarkibda boshladi) maydonga tushib, sakkizta gol urishga erishdi va uch marta samarali to'p uzatishni amalga oshirdi. Futbolchining klub bilan shartnomasi 2022 yilning yozida nihoyasiga etadi.

Manba: www.championat.asia