Davron Fayziev: “Real” muxlislariga nima yoqmayapti, hayronman

Taniqli sharhlovchining "qirollik klubi"dagi vaziyatga munosabati.

“SPORTS.uz haftasi” ko‘rsatuvida taniqli sharhlovchi Davron Fayziev “Real”ning oxirgi paytlardagi natijasi va Zinedin Zidanning klubdan ketishi borasidagi xabarlarga o‘z munosabatini bildirdi.


Zinedin Zidan ertaga lavozimini tark etishi mumkin- “Real” EChLni ketma-ket uch marta yutgan paytda ham mavsumning birinchi qismini juda yomon o‘ynagan.

PSJ bilan mehmonda yutqazish bu normal holat.
Lekin yirik hisobdagi mag‘lubiyat “qirollik klubi”ga mos emas...

O‘ylaymanki, madridliklar bu guruhdan chiqishadi. PSJ va “Bryugge”ni ham javob o‘yinlarida mag‘lubiyatga uchratishi mumkin.

Tushunmayapman, nega hozirgi holatda Zidan jamoadan ketishi kerak?
La Ligada etakchilardan, odatda “Real”ning muvaffaqiyatsizliklari parallel ketadi, Ispaniyada ham mavsum boshini yomono‘tkazadi.

Muxlislarga nima yoqmayapti,hayronman.
PSJdan uchralgan mag‘lubiyat?
Hozirgi PSJga hamma hamyutqazishi mumkin.

“Bryugge” bilan durang?
Bu endi jiddiy masala.

Baribir bular Zidanni ketkazishga asos bo‘la olmaydi.Kuchli jamoalar mavsumning ikkinchi qismida ochiladi. Madridliklar huddi shu PSJ bilan chorak finalda o‘ynasin, o‘shanda baho beramiz.



Bugungi PSJ daxshatli jamoa. Yutqazishuyat emas. “Real” muxlislari yirik hisobdagi mag‘lubiyatga chiday olmayotgandir.

Ammo o‘zlari orzu qilib erishgan murabbiyni ketsin deyish – adolatsizlik. Agar jamoa EChLda guruhdan chiqa olmasa Florentino Peresuni ketkazib yuborishi mumkin. Chunki ubunday vaziyatlarda shoshib qoladi.

“Real”ning pley-offga chiqa olmasligi eng yomon natija bo‘ladi. Lekin jamoa buni uddalasa kerak, - dedi Davron Fayziev.


Manba: www.sports.uz hala-madrid.uz uchun mahsus