Krishtianu Ronaldu "Real Madrid" safidagi 400-golini kiritdi

Kecha "Atletiko"ga qarshi chempionlar ligasi yarim final uchrashuvida xet-trik qayd etgan "Real" forvardi Krishtianu Ronaldu jamoa tarkibidagi o'zining 400-golini kiritdi.

Madridliklar tarixidagi eng yaxshi to'purar hisoblangan Krishtianu Ronalduga mazkur 400 golni kiritishi uchun 389 uchrashuvda ishtirok etish yetarli bòldi. 4 karra "Oltin to'p" sohibi "Real" uchun kiritgan o'zining 400 golidan 281 tasini La Ligada, 88 tasini chempionlar ligasida, 22 tasini Qirol kubogida, 4 tasini klublararo mundialda, 2 tasini Yevropa superkubogi hamda yana 3 tasini Ispaniya superkubogida amalga oshirgan.

Ronaldu joriy mavsum "Real" uchun hozircha 35 ta gol kiritdi. U Madridga kelgach 2009/10 da 33 ta, 2010/11 da 54 ta, 2011/12 da 60 ta, 2012/13 da 55 ta, 2013/14 da 51 ta, 2014/15 da 61 ta hamda 2015/16 mavsumda 51 ta gol kiritishga muvaffaq bo'lgan.

Eslatma: Portugaliyalik "gol mashina" "Bavariya"ga qarshi chempionlar ligasi chorak finalida eng nufuzli turnirdagi 100-golini kiritgan holda ushbu natijaga erishgan dastlabki futbolchiga aylangan edi.

Manba: www.realmadrid.com