"Real" Neymarni kuzatmoqda

"Real" prezidenti Florentino Peres "PSJ" hujumchisi Neymarning atrofidagi vaziyatni kuzatmoqda.

"El Mundo Deportivo" nashri bergan xabariga ko'ra, Peres har ehtimolga qarshi Neymarning oilasi bilan aloqa o'rnatgan va agar futbolchi "PSJ"dan ketishga qaror qilsa, uni o'z jamoasiga qo'shib olishni niyat qilgan.

Bunday xabarlar futbolchi va parijliklar klubi bosh murabbiyi Unai Emeri o'rtasida ziddiyat yuzaga kelgani haqida tarqalgan xabarlar ortidan paydo bo'ldi.

Neymar "PSJ"ga shu yilning yozida "Barselona"dan 222 million evro evaziga kelib qo'shilgandi. Katalonlar klubiga u "Santos"dan 2013 yilda kelgan. O'shanda unga "Real" ham qiziqqan, ammo uni transfer qila olmagandi.

Manba: www.tribuna.uz