"PSJ" Neymarni "Real"ga qo'yib yubormoqchi emas

"Qirollik klubi" "PSJ" hujumchisi Neymarni sotib olishi mumkinligi haqida xabarlar tarqalganidan so'ng, parijliklar rahbariyati jonlanib qoldi va futbolchini hech qayerga qo'yib yubormaslik uchun harakatlarni boshladi.

Oldinroq matbuotda "Real" kelajakda braziliyalik hujumchini sotib olish payiga tushgani xabar qilingandi. Ammo "Mundo Deportivo" nashri bergan xabarga ko'ra, "PSJ" futbolchini jamoada olib qolishni ko'zlagan Neymar uchun bildiriladigan istalgan taklifni rad etmoqchi.

Eslatib o'tamiz, Neymar «Barselona»ga o'tguniga qadar "Real" uni "Santos"dan sotib olishga yaqin turgandi, biroq futbolchining o'zi o'shanda Kataloniya klubini tanlagandi.

Manba: www.tribuna.uz