"Real" prezidenti Iskoning yangi shartnomasi va Beyl haqida gapirib o'tdi

"Real" prezidenti Florentino Peres Isko bilan tez orada yangi shartnoma imzolanishini tasdiqladi.

"Isko juda ham yoshligida bizning safimizga kelib qo'shilgan va biz kutganimizdek hozirgacha katta o'sishga erishmoqda. U bilan shartnomani uzaytirish borasidagi qarorni yaqin kunlarda e'lon qilamiz, masala hal.

Beyl - eng yaxshi o'yinchilarimizdan biri, undan ko'nglimiz to'q. Beyl bo'yicha taklif olmadik. U haqda Mourino gapirdi, bu shunchaki hurmat yuzasidan edi.

Hozir istalgan futbolchini sotib olish mumkin. Bir yildan keyin nima bo'lishini ko'ramiz, hozir bu haqda hech kim bilmaydi", - dedi Peres.



Manba: CA