Kaka o‘zi bilan birga o‘ynagan eng quvnoq ikkita futbolchini aytdi

Braziliya terma jamoasi sobiq a’zosi, ayni damda esa AQShning “Orlando Siti” klubi sharafini himoya qilayotgan Kakaning so‘zlariga ko‘ra hamyurtlari Robino hamda Marselolar faoliyatida u bilan birga o‘ynagan eng quvnoq futbolchilar hisoblanadi.

“Ikkitasini aytaman: Robino va Marselo. Ular deyarli har bir holatni hazilga yo‘yishadi. Agar ular televizor ko‘rishayotgan yoki musiqa tinglashayotgan bo‘lishsa, uzoq vaqt o‘zingizni kulgudan to‘xtatib tura olmaysiz”, - deydi Kaka.

Ma’lumot uchun, Kaka faoliyati davomida “Milan” hamda “Real” kabi jamoalarda to‘p surgan. U 2007 yilgi “Oltin to‘p” sohibi ham hisoblanadi.



Manba: www.sports.uz