Vinisius "Real"ga o'tishga shoshilmayapti

"Flamengo" hujumchisi Vinisius Junior yozda "Real" tarkibiga o'tishni istamayapti.

Avvalroq, "Qirollik klubi" vatanida "Yangi Neymar" laqabini olgan futbolchini yozda o'z tarkibiga qo'shib olmoqchi ekani haqida xabarlar tarqalgan edi.

● "Bu borada yakuniy qaror qabul qilmadim. 2018 yil mavsumini "Flamengo"da o'tkazishni rejalashtiryapman va Libertadores kubogida g'olib chiqmoqchiman. Shundan so'ng, bemalol klubimni almashtirishim mumkin. O'z imkoniyatlarimni juda yaxshi bilaman va mutlaqo xotirjamman", – deb futbolchi so'zlarini keltirmoqda "AS" nashri.

Malumki, "Galaktikos" futbolchini "Flamengo" klubidan 45 mililon evroga xarid qilgan va 2019 yil yanvar oyigacha ijarada qoldirgan edi. Ammo, madridliklarning Primeradagi natijalari ko'ngildagidek bo'lmagach, murabbiylar shtabi uni 2018 yil yozidayoq tarkibga qo'shib olmoqchi bo'ldi.

Manba: www.tribuna.uz