Kroos "PSJ"ning kuchli tomonini aytdi

"Real" futbolchisi Toni Kroos Chempionlar Ligasi 1/8 finalidan o'rin olgan "PSJ"ga qarshi bahslarda jamoasining g'alabasiga ishonmoqda.

"Shubhasiz, bu o'yinlarda bizga og'ir bo'ladi, chunki "PSJ" ajoyib jamoadir. Biroq, biz ham anoyi emasmiz. Bu bahslarda maydonga tushishni juda ham istayapman va ishtiyoqim baland.

Hozir "PSJ"ning hujum chizig'i tezkor va juda kuchli. Ular ko'p gol urmoqdalar, ammo biz ham o'z o'yinimizni namoyish qilishga qodirmiz. Bizda ham ajoyib himoyachilar, yarimhimoyachilar, hujumchilar va darvozabon bor. Muhimi o'z kuchimizga, o'z o'yinimizga va g'alabamizga ishonish", – dedi Kroos.


Manba: www.tribuna.uz