Ronalduning goli EChL chorak finalidagi eng chiroyli gol bo'lolmadi

Chempionlar ligasi chorak finalining eng yaxshi goli muallifini aniqlash bo'yicha ovoz berish jarayoni natijalari elon qilindi.

UEFA rasmiy sayti o'tkazgan so'rovnoma yakuniy yig'ilgan ovozlarga ko'ra, "Liverpul" yarim himoyachisi Muhammad Saloh "Manchester Siti" darvozasiga javob uchrashuvida urgan gol birinchi o'rinni olgan.

"Real" hujumchisi Krishtianu Ronaldu "Yuventus"ga qarshi safar o'yinida "qaychi uslubi"da urgan gol ikkinchi o'rinda qolgan, uchinchi o'rinda "Liverpul"ning boshqa bir futbolchisi, Aleks Oksleyd-Chemberlen "Manchester Siti"ga qarshi birinchi o'yinda urgan gol.

So'rovnomada qatnashgan "Yuventus" hujumchisi Mario Manjukichning "Real" darvozasiga urgan goli va "Barselona" hujumchisi Luis Suaresning "Roma"ga urgan goli to'rtinchi va beshinchi o'rinlarni egallagan.



Manba: www.tribuna.uz