Xabib Nurmagomedov Ronaldu haqidagi tassurotlari bilan o'rtoqlashdi

Yengil vazn toifasida UFC chempioni Xabib Nurmagomedov "Real" futbolchisi Krishtianu Ronaldu haqida gapirib o'tdi.

"Biz u bilan gaplashgandik. Ikki kundan so'ng u "Real"ning o'yiniga meni taklif qildi.

Bahsdan so'ng biz u bilan gaplashdik. Menga u qanday qilib o'z formsini yuqori saviyada ushlab qolayotganligi qiziq edi. Ahir u 2004 yildan beri dunyoning eng kuchli futbolchilari uchligiga kiradi. Bunday natija qayd etadigan boshqa futbolchi yo'q.

U bilan suhbatimiz qiziqarli kechdi. Ronaldu oddiy yigit. Uni avvaliga odamlarni mensimaydigan yigit deb o'ylardim. Unday emas ekan.

Futbol yoki MMAda mashg'ulot? Vaqtni mazmunli o'tkazish maqsadida bo'lsa bunga qarshi emasman. Ammo, jang qilish uchun u menga xech narsa bera olmaydi, o'z navbatida men ham futbol bo'yicha unga nimadir o'rgata olmayman", - dedi Nurmagomedov.

Manba: www.olamsport.com