Krishtianu Ronaldu oltinchi mavsum ketma-ket EChLning eng yaxshi to'purari bo'ldi

ECHLni 13-marta qo'lga kiritgan Madridning "Real" klubi hujumchisi Krishtianu Ronaldu joriy mavsumdagi Chempionlar ligasining eng yaxshi to'purari bo'ldi.

Portugaliyalik futbolchi joriy mavsumda Evropaning klublar o'rtasidagi eng nufuzli turnirida 15 ta gol urdi. Qayd etish joizki, Ronaldu ECHLning oltinchi mavsumidirki, ketma-ket eng ko'p gol urgan o'yinchi bo'lib turibdi.

Butun karerasi davomida u ECHLda 7 marta to'purarlar bahsida g'olib chiqqan (bunda u to'purarlikni boshqa futbolchi bilan bo'lishgan hollar ham inobatga olingan). Undan boshqa biror futbolchi turli 7 mavsumda Chempionlar ligasi turnirining eng yaxshi to'purari bo'la olmagan.

Manba: www.tribuna.uz