Messi Zidanning "Real"dan ketishi haqida fikr bildirdi

"Barselona" hujumchisi Lionel Messi "Real" forvardi Krishtianu Ronalduning klubdan ketish ehtimoli hamda "qaymoqranglilar" ustozi Zinedin Zidanni "Qirollik klubi"ni tark etishi haqida fikr bildirdi.

"Ronaldu bilan buyog'iga nima bo'lishini bilmayman, shu sababli bu mish-mishlarga izoh bera olmayman. Qandaydir sabab bordir, bu uning shaxsiy qarori va ushbu qaror haqida hech narsa bilmayman.

Zidanning ketishidan juda hayron bo'ldim, chunki buni hech kim kutmagan edi. Biroq sabablar bor bo'lsa kerak. Buyog'iga u nima qilishini bilmayman, ammo u "Real"dan ketish uchun yaxshi vaqtni tanladi, chunki u deyarli hamma narsani yutdi. Hech kim unga etiroz bildira olmaydi", - deydi Messi.

Manba: www.championat.asia