Karvaxal "Atletiko"ni vaqtni cho'zishda aybladi

"Real" himoyachisi Daniel Karvaxal Ispaniya chempionati 7-turi doirasida "Atletiko"ga qarshi kechgan (0:0) Madrid derbisi borasidagi fikrlarini aytib o'tdi.

"Ular durang uchun o'ynashdi, xuddi oltin uchun o'ynashayotgandek. Har bir jamoa o'zi istagancha o'ynashi mumkin, ammo raqib dastlabki daqiqalardanoq vaqt cho'za boshlasa va durangga erishish uchun o'ynasa, g'alaba qozonish qiyin bo'ladi.

Biz qatorasiga oltinchi o'yinda ham o'z maydonimizda "Atletiko"ni enga olmadik. Lekin men agar sovrinlar yutishda davom etsak, ularni hech qachon yuta olmasligimizga ham roziman", — deya Karvaxalning so'zlarini keltirgan "Marca" nashri.

Qatorasiga ikkinchi o'yinda ochko yo'qotgan "Real" ayni vaqtda 14 ochko bilan Primera turnir jadvalida 2-o'rinni egallab turibdi, "Atletiko" 12 ochkosi bilan — 4-o'rinda.

Manba: www.tribuna.uz