Ramos inqirozdan chiqib ketishning "yagona yo'li"ni aytdi

"Real" sardori Serxio Ramos, Ispaniya chempionatining 9-turida "Levante"ga imkoniyat boy berilgach (1:2), jamoa bosh murabbiyi Xulen Lopetegini qo'llab-quvvatlashini bildirdi.

"Tanqidlarning bo'lishi tabiiy. Ular faqat Xulenga qaratilmagan. Barchamiz tanqid ostidamiz. Muxlislarning mag'lubiyatimizga bunday munosabat bildirishlari tabiiy. Biz hozir har doimgidan-da birdamroq bo'lishimiz kerak, oldinga intilishning yagona yo'li shu.

Men doim aytib kelaman: murabbiyni o'zgartirish hech qachon hech kimga yaxshilik keltirmaydi. Biz Xulenning yonida turamiz, u – juda kuchli murabbiy. Hozir biz xotirjamlikni saqlay olishimiz zarur", - degan Ramosdan iqtibos keltirdi AS.

Eslatib o'tamiz, kechagi bahsdan so'ng :Real" prezidenti Florentino Peres bosh murabbiy bilan yakka holda gaplashib olgani malum qilingandi.

Manba: www.championat.asia