Qiziqarli xabar. Serxio Ramosning oti jahon chempioni bo'ldi

Serxio Ramos Ispaniya terma jamoasi o'rtoqlik o'yinlarini jarohati tufayli o'tkazib yubordi. Biroq, futbolchi vaqtini zoe ketkazmadi.

Ramos qadrdon Sevilya shahrida o'tkazilgan Salon Internacional del Caballo (SICAB) ko'rgazmasidagi poygada oti bilan ishtirok etdi. Uning arg'umog'i "Yukatan de Ramos" poygada g'olib chiqib, jahon chempioni bo'ldi.

"Real" sardori otlarni yaxshi ko'rishi bilan ajralib turadi. U Andalusiyada shaxsiy fermasiga ega.