Eshitdik-da. Ramos "Real"ga shart qo'ydi

Madridning "Real" klubi va himoyachi Serxio Ramos shartnoma muddatini uzaytirish borasida muzokaraga kirishdi, deya xabar bermoqda Marca.

Manbada yozilishicha, 33 yoshli ispaniyalik himoyachi klub oldiga shartnomani 2023 yilgacha uzaytirish shartini qo‘ygan. "Qirollik klubi" esa yoshi katta futbolchilarga nisbatan klub siyosati bois, Ramos bilan shartnomani ikki yil emas, bir yilga uzaytirmoqchi.

Ramos 2022 yilgi jahon chempionati oldidan bor e’tiborini faqat mundialga qaratishni istayotganligi bois, 2021 yilda yakuniga yetadigan shartnomasini hozirdanoq uzaytirilishini xohlamoqda. Nashrning qayd etishicha, tomonlar yaqin haftalar ichida kelishuvga erishishlari kutilayapti.

Ma’lumot uchun, Ramos ushbu mavsumda La Liga doirasida 21 o‘yinda maydonga tushib, 4ta golga mualliflik qildi.

Manba: www.tribuna.uz