“Real Madrid” himoyachisi Ramos jarohati sababli safdan chiqdi

Madridning “Real” klubi sardori Serxio Ramos La Liganing 12-turi doirasida, “Atletiko”ga qarshi o‘tkazilgan derbida burnidan jarohat olgani sababli, nomal’um muddatga safdan chiqdi.

"AS" nashri xabar berishicha, ispaniyalik himoyachi sog‘ayib ketishi uchun u operatsiya stoliga yotqizilishi mumkin.

Ma’lumotlarga ko‘ra, ushbu qaror yakshanba kuni doktorlar tomonidan o‘tkaziladigan ko‘rikdan so‘ng qabul qilinadi.

Madridliklar ustozi Zinedin Zidan ham Ramosning qachon safga qaytishi borasida aniq ma’lumot berolmasligini ma’lum qildi.

Manba: www.sports.uz