Peres Bernabeuning mashhur gapini esladi

"Real Madrid" prezidenti Florentino Peres jamoaning sobiq futbolchisi, murabbiyi va prezidenti – Santyago Bernabeuga bag'ishlagan hujjatli film haqida fikr bildirdi, shuningdek sobiq prezidentning mashhur gapini yodga oldi.

"Bir vaqtlar Bernabeu aytganidek, ular bizga hasad qilishgani uchun tanqid qilishadi.

Meni men bilmagan ko'plab narsalar hayratga soldi. Siz u haqida ushbu filmda bilib olasiz.

U avval futbolchi edi, keyin sardor, so'ngra murabbiy, keyin esa prezident. Bernabeu ushbu mo'jizaviy "Real"ga asos solgan.

Filmda siz, u urushgacha, urush vaqtida va urushdan keyin "Real"ning qanday boshqarganini ko'rishingiz mumkin.

Unda g'oya bor edi: agarda klub eng katta stadionga ega bo'lsa, uning daromadi ham eng ko'p bo'ladi va u buni amalga oshira olgan", – dedi Peres.

Manba: www.tribuna.uz