Finalda ispan klubi Lissabonning "Benfika" jamoasini 3:2 hisobida taslim etdi.
Madridliklar 1-bo'limdan so'ng Pablo Rodriges va Enrike Jokuning avtogoli evaziga 2:0 hisobida oldinga chiqib oldi. 49-daqiqada esa Gonsalu Ramos gol urdi va hisob qisqardi. 50-daqiqadayoq "Real" Migel Guterresning goli evaziga ishonchli hisobga qaytdi.
57-daqiqada "Benfika" hujumchisi Ramos dubl qayd etdi va o'yinga intrigani qaytardi. Lissabonliklar 68-daqiqada hisobni tenglashtirishlari mumkin edi, ammo Dantas penaltini golga aylantira olmadi.
Bu "Real"ning UEFA O'smirlar ligasidagi ilk g'alabasi. Qayd etish kerakki, Madrid jamoasini sobiq mashhur futbolchi Raul boshqarmoqda.
Manba: CA
Комментировать статьи на сайте возможно только в течении 20 дней со дня публикации.