Desham Zidanning kelajagi bo'yicha fikrini aytdi

Fransiya terma jamoasi bosh murabbiyi Dide Desham vatandoshi Zinedin Zidanning "Real"ni tark etishiga izoh berdi.

"Zidanga terma jamoa kalitini topshirishdan faxrlanamanmi? Menda hech qanday kalit yo'q. Hammasi federatsiya rahbariga bog'liq. Zidan qanday qarorga kelganini bilmayman, menimcha u oilasi bilan dam olmoqchi. Kelajakda u Fransiya terma jamoasini boshqaradi, qachonligini bilmayman. Ammo mantiqan shunday bo'ladi.

So'nggi uch yilda u fantastik natijalarga erishdi. U "Real"ni tark etishga o'zi qaror qildi, buni hurmat qilish lozim. U cho'qqiga chiqib, keyin ketishni istadi. Biz bir-birimizni juda yaxshi bilamiz va hurmat qilamiz", - deb Desham so'zlarini keltirmoqda "Goal" nashri.

Manba: www.tribuna.uz