Isko "Barselona"ga qarshi o'yinni ham o'tkazib yuboradimi?

"Real" yarimhimoyachisi Isko kamida bir yarim oy davomida futbol o'ynamaydi.

"AS" nashri xabariga ko'ra, futbolchiga ko'richakning zo'rayishi tashxisi qo'yilgan. U yaqin orada jarrohlik amaliyotidan o'tadi, keyin esa tiklanish jarayonini boshlaydi.

Futbolchi 28 oktabr kuni Ispaniya chempionati 10-turi doirasida «Barselona»ga qarshi kechadigan derbi o'yinini ham o'tkazib yuboradi.

Madridliklar jamoasi bosh murabbiyi Xulen Lopetegi uning holati haqida malumot bergan.

"Men shifokorlar bilan gaplashdim. Menga aytishdiki, barchasi yaxshi kechsa, u tez orada safga qaytadi.

Har qanday jarohat - yomon yangilik. Endi biz uning o'rnida asosiy tarkibda kim o'ynashini hal qilib olishimiz kerak. Bunday holatlar butun mavsumga tasir ko'rsatadi", - deya ispaniyalik mutaxassisning so'zlarini keltirgan ispan nashrlari.

Joriy mavsumda ushbu futbolchi "Real" safida barcha turnirlar doirasida 7 o'yinda maydonga tushib, 2 gol urgandi.

Manba: www.tribuna.uz