"Real" himoyachisi: "Solari uchun jon berishga tayyormiz"

"Real" himoyachisi Alvaro Odriosola LaLiganing 12-turida "Selta" ustidan qozonilgan g'alaba (4:2) haqida fikr bildirdi.

"Solari effekti? Bazida futbolda javoblar bo'lmaydi. Bu muhim emas. Biz Santyago Solari uchun jon berishga tayyormiz. U ishonchimizni qozonmoqda. Terma jamoalar tanaffusidan oldin g'alaba qozonish va xursand bo'lish hammasidan muhim edi.

Murabbiyni biz tanlamaymiz. Qarorlar tepada qabul qilinadi. Biz bu inqirozni engib o'tishimiz uchun ishlashimiz kerak. Solari ajoyib murabbiy, u qolishini istaymiz.

Jarohatlar? Futbol - kontaktli sport turi. Bunaqasi bo'lib turadi. O'z o'yinimizni ko'rsatdik, raqib qaltisroq harakat qildi.

"Selta" qarshi hujumda yaxshi o'yin ko'rsatadigan kuchli jamoa. Bugun jang bo'ldi, janglarda esa g'alaba qozonish kerak.

So'nggi haftalar biz uchun muammoli bo'lgandi: Yomon natijalar, murabbiyning ketishi. Ammo asta-sekinlik bilan o'zimizga bo'lgan ishonchni tiklab, yaxshi jamoa ekanligimizni isbotlayapmiz" - deydi Odriosola.

Manba: www.championat.asia