Kovachich “Zenit” bilan muzokara o'tkazmoqda

Ayni paytda “CHelsi”da to'p tepayotgan “Real” yarim himoyachisi Mateo Kovachich faoliyatini Rossiyada davom ettirishi mumkin.

Daily Mail xabariga ko'ra, xorvatiyalik futbolchining xizmatlariga “Zenit” qiziqish bildirmoqda. Nashr xabariga ko'ra, 24 yoshli futbolchining agentlari ayni paytda Piter klubi bilan muzokaraga kirishgan.

Kovachich o'tgan yilning yozida bir mavsumga London klubiga ijaraga berilgandi. Ilgariroq futbolchi Angliyada ko'proq to'p surish niyatida ekanligi aytilgandi. Ammo FIFAning “aristokratlar”ga qo'ygan transfer taqiqi bois Kovachich “CHelsi”bilan doimiy shartnoma taklif qilolmasligi mumkin.

Manba: www.championat.asia