"Real Madrid yozgi transfer oynasida darvozabon Lyuk Zidan bilan xayrlashadi, deya yozmoqda "AS" nashri.

Manbaning xabar berishicha, klub bosh murabbiy Zineddin Zidanning o‘g‘li sanalmish darvozabon Lyuk Zidan bilan shartnomani uzaytirmaslikka qaror qilgan. Ijara asosida "Rasing" safida to‘p surgan ushbu golkiper Fransiyaning "Monpele" klubiga o‘tishga yaqin turibdi. 

Qayd etilishicha, Madrid jamoasi so‘nggi mavsumni "Ovedo" safida ijarada o‘tkazgan ukrainalik darvozabon Andrey Luninni "Qirollik klubi"ga qaytaradi va u Tibo Kurtuaning o‘rinbosariga aylanadi.

Ma’lumot uchun, avvalroq klub prezidenti Florentino Peres erishilgan chempionlikka qaramay, moliyaviy og‘ir vaziyat tufayli "Real Madrd" transfer oynasida faol bo‘lmasligini ma’lum qilgan edi.

Manba: www.tribuna.uz